ஒட்டாவா-காட்டினோ பகுதியில் புதன்கிழமை பிற்பகல் மற்றும் இரவு முழுவதும் பலத்த கோடைகால இடியுடன் கூடிய மழை பெய்தது. குறிப்பாக இரவு 10:30 மணியளவில் வீசிய பலத்த காற்று மற்றும் மழையால் அப்பகுதி கடுமையாகப் பாதிக்கப்பட்டது.
ஒட்டாவா சர்வதேச விமான நிலைய வானிலை மையத்தில் புதன்கிழமை இரவு 10 மணிக்கு மேல் சுமார் 22 மி.மீ மழை பதிவானது. மேலும், அங்கு மணிக்கு 107 கி.மீ வேகத்தில் சீறிய காற்று வீசியது. இதுவே இந்த ஆண்டின் மிக அதிவேகக் காற்றாகப் பதிவாகியுள்ளது.
வியாழன் காலை நிலவரப்படி, ஒட்டாவா மற்றும் காட்டினோ முழுவதும் சுமார் 8,000 வாடிக்கையாளர்கள் மின்சார வசதியின்றி தவித்து வருகின்றனர். இந்த மின்வெட்டு முக்கியமாக ஒட்டாவாவில் உள்ள வுட்ரோஃப் அவென்யூ மற்றும் மெரிவேல் ரோடு பகுதிகளிலும், காட்டினோவில் உள்ள எய்ல்மர் (Aylmer) பகுதியிலும் அதிகளவில் ஏற்பட்டுள்ளது.
முன்னதாக ஜூலை மாதம் ஒட்டாவா வரலாற்றிலேயே மிக அதிக மழைப்பொழிவு (சுமார் 282 மி.மீ) பதிவான மாதமாக அமைந்தது. ஜூலை 1 அன்று ஏற்பட்ட கடுமையான வெள்ளப்பெருக்கின் வடுக்கள் ஆறாத நிலையில், இந்தத் தொடர் மழை அப்பகுதி மக்களுக்கு மீண்டும் அச்சத்தை ஏற்படுத்தியுள்ளது.
Leave a Reply