ஓமன் மீது குண்டுவீசுவோம்..’ 2வது முறையாக ட்ரம்ப் Open Warning.. உடனே ஈரான் கொடுத்த பதிலடி!

இந்நிலையில் தான் முக்கியத்துவம் வாய்ந்த ஹார்முஸ் ஜலசந்தியை மீண்டும் திறப்பது தொடர்பாக அமெரிக்காவுடன் பேசப்போவதில்லை என்றும், ஓமனுடன் பேச்சுவார்த்தை நடத்துகிறோம் என ஈரான் அதிகாரிகள் தெரிவித்திருந்த நிலையில் ட்ரம்ப் 2வது முறையாக ஓமன் மீது குண்டுவீச்சு தாக்குதல் நடத்தப்படும் என எச்சரிக்கை விடுத்துள்ளார்.

ஈரான் – அமெரிக்கா இடையேயான அமைதி ஒப்பந்தம் எந்தவித முன்னேற்றமும் இல்லாமல் பின்தங்கியுள்ளது. மீண்டும் ஹார்முஸ் ஜலசந்தி மூடப்பட்டிருப்பதால், உலகின் 20% எண்ணெய் வர்த்தக பாதையை கட்டுப்பாட்டில் வைத்திருக்க ஈரான், அமெரிக்கா இடையேயான மோதல் தொடர்ந்துவருகிறது. ஹார்முஸ் ஜலசந்தியை கடக்கும் கப்பல்கள் மீது தொடர்ந்து தாக்குதல் நடத்தப்பட்டும், அமெரிக்காவும் அதன் முற்றுகைகளை அகற்றாமல் இருந்துவருகிறது.

இந்தசூழலில் தான் அமெரிக்கா, ஈரானுடனான இடைக்கால ஒப்பந்தத்தின் நிபந்தனைகளான கடல்வழி முற்றுகை மற்றும் தடைகளை நீக்குவது, அத்துடன் ஈரானின் முடக்கப்பட்ட சொத்துக்களை விடுவிப்பது ஆகியவற்றை நிறைவேற்றும் வரை ஹார்முஸ் ஜலசந்தி மூடப்பட்டேதான் இருக்கும் என்று ஈரான் தரப்பில் அதிரடியாக தெரிவிக்கப்பட்டுள்ளது.